नारायण रायमाझी निर्देशित फिल्म’परदेशी २’ को नयाँ गीत सार्वजनिक गरिएको छ।
बुधबार म्युजिक नेपाल युट्युब च्यानलमार्फत ‘परदेशी २’ फिल्ममा समावेश ‘परदेशी छुकछुके रेलैमा’ बोलको झ्याउरे भाकाको गीत सार्वजनिक गरिएको हो।
गीतमा निर्देशक रायमाझीसँगै तेजेन्द्र गुरुङ, टीका पुन, देवी घर्ती र ममता गुरुङको स्वर छ । शब्द पनि निर्देशक रायमाझी स्वयंमले कोरेका हुन् । उनीसँगै प्रेमदेव गिरीले यसमा संगीत दिएका छन् ।
नृत्य निर्देशन रामजी लामिछानेको छ । नेपाली फिल्ममा कमै मात्र समावेश गरिने यसप्रकारको मौलिक झ्याउे गीतले स्रोता दर्शकलाई फरक स्वाद दिने निर्माण पक्षको विश्वास छ।
राजेश वंशल र नारायण रायमाझीको निर्माण रहेको फिल्ममा प्रकाश सपूत, केकी अधिकारी, प्रशान्त तामाङ, वर्षा शिवाकोटी, दीलिप रायमाझी, नीर शाह, रमा थपलिया, सविन बास्तोला, देवेन्द्र बब्लुलगायत कलाकारको अभिनय छ। फिल्मको कथा रमेश विजीले लेखेका हुन्।
मानकृष्ण महर्जनले छायांकन गरेको फिल्मलाई दीर्घ खड्काले सम्पादन गरेका छन्। यो फिल्म दशैंको अवसर पारेर असोज २६ गतेदेखि प्रदर्शन हुँदैछ।
भिडियाे लिंक : https://youtu.be/G3FNPwBdJiw?si=8J1R-YJS6pg4QmE0
