बैंकिङ कसुरका फरार प्रतिवादीलाई प्रहरीले पक्राउ गरेको छ।
पक्राउ पर्नेमा काठमाडौं महानगरपालिका-२५ घर भई वडा नम्बर २२ गणबहाल पीपलबोट बस्ने २१ वर्षीय उज्जवल रौनियार रहेका छन्।
काठमाडौं उपत्यका अपराध अनुसन्धान कार्यालयको टोलीले रौनियारलाई काठमाडौं बबरमहलबाट शुक्रबार पक्राउ गरेको हो।
रौनियारविरूद्ध पर्सा जिल्ला अदालतमा बैंकिङ कसुरको मुद्दा रहेको कार्यालयका प्रवक्ता प्रहरी उपरीक्षक काजीकुमार आचार्यले बताए।
१ करोड ८३ लाख रुपैयाँको बैंकिङ कसुर मुद्दामा पर्सा अदालतले उनीविरूद्ध पक्राउ पुर्जी जारी गरिसकेको छ।
रौनियारलाई जिल्ला प्रहरी कार्यालय पर्सामा पठाइएको प्रहरी उपरीक्षक आचार्यले बताए।
