अमेरिकी उपराष्ट्रपति कमला ह्यारिसले आज डोनाल्ड ट्रम्प राष्ट्रपतिमा विजयी भएको औपचारिक घोषणा गर्दैछिन् ।
अमेरिकामा गत नोभेम्बर ५ मा राष्ट्रपतिको निर्वाचनमा ट्रम्प विजयी भए पनि अमेरिकी प्रचलन अनुसार परिणाम आएको एक महिना पछि सिनेट अध्यक्षले त्यसको जानकारी गराउने सिलसिलामा ह्यारिसले सो जानकारी गराउन लागेकी हुन् ।
उक्त निर्वाचनमा ट्रम्पले ३१२ इलेक्टोरल भोट पाएर बिजयी भएका थिए भने उनका प्रतिद्वन्द्वी कमलाले २२६ इलेक्टोरल भोटमा सिमित हुनु परेको थियो । जबकी जीत हासिल गर्नका लागि राष्ट्रपतिको उम्मेदवारलाई २७० इलेक्टोरल भोट आवाश्यक पर्छ ।
ट्रम्पको जित नोभेम्बर ६ मा तय भए पनि यसको औपचारिक घोषणा जनवरी ६ मा हुन लागेको हो । सो दिन अमेरिकी संसदको संयुक्त सत्र क्यापिटल हिलमा इलेक्टोरल कलेजको मत गणना हुनेछ। उपराष्ट्रपति कमला ह्यारिस सिनेटको अध्यक्ष भएकाले यो प्रक्रियाको अध्यक्षता उनले गर्नु पर्नेछ ।
जनवरी ६ मा भएको चुनावी मतगणनापछि डोनाल्ड ट्रम्प राष्ट्रपतिमा निर्वाचित भए भने उनले जनवरी २० मा मात्रै पद तथा गोपनीयताको शपथ लिने छन् । सपथ ग्रहणअघि ट्रम्पले परम्परागत चलन अनुसार वर्तमान राष्ट्रपति जो बाइडेनलाई भेट्ने छन् र सरकार हस्तान्तरणका बारेमा कुराकानी गर्नु पर्ने हुनेछ ।