उर्जा,भौतिक पुर्वाधार तथा सहरी विकास मन्त्री कुलमान घिसिङले उज्यालो नेपाल नामक पार्टीसँग आफ्नो कुनै सम्बन्ध नरहेको र त्यस पार्टीका अध्यक्षलगायत कोहीसँग पनि छलफल नभएको प्रष्टेक्ति दिएका छन्।
निर्वाचन आयोगमा दर्ताका निम्ति तयार भएको उज्यालो नेपाल पार्टीका अध्यक्ष ज्ञान तामाङले आफूहरु कुलमान घिसिङसँग समेत वार्तामा रहेको र एउटै पार्टी बन्ने दाबी गरेपछि घिसिङले उक्त पार्टीसँग सम्बन्ध नरहेकोे जिकिर गरेका हुन् ।
घिसिङले वक्तव्यमार्फत आफू उक्त पार्टीमा आबद्ध रहनेबारे कुनै किसिमको छलफल नभएको र प्रचार गरिएजस्तो जुम बैठकमा आफ्नो सहभागिता नरहने समेत प्रष्ट पारेका छन् ।