प्रधानमन्त्री सुशीला कार्कीले यस वर्षको विजयादशमी टीकाको दिन ‘जेनजी’ आन्दोलनका सहिद परिवारलाई भेटेकी छन् । आज बिहीबार विजयादशमीको दिन अपरान्ह प्रधानमन्त्री कार्कीले बागलुङ घर भई काठमाडौंको वनस्थली बस्दै आएका मृतक सौरन किशोर श्रेष्ठको परिवारलाई भेटेकी हुन्।
उनले नागार्जुन–३ मा मृतक कान्छी नगरकोटीको परिवार र कीर्तिपुरस्थित मैत्रीनगरमा मृतक बुद्धिबहादुर तामाङको परिवारलाई समेत भेटेको कार्कीको सचिवालयले जनाएको छ ।
प्रधानमन्त्री कार्कीले हिजो नै ‘जेनजी’ आन्दोलनमा निधन भएकाहरूको सम्झनामा आज दसैँमा टीका नलगाउने बताइसकेकी थिइन ।