नेपाली कांग्रेसका नेता तथा पूर्वगृहमन्त्री रमेश लेखकले जाँचबुझ आयोगबाट पत्र प्राप्त भएपछि बयानबारे निर्णय लिने बताएका छन्। पूर्वन्यायाधीश गौरीबहादुर कार्की अध्यक्ष रहेको भदौ २३ र २४ गतेको घटनासम्बन्धी जाँचबुझ आयोगले तत्कालीन गृहमन्त्री रहेका कांग्रेस केन्द्रीय सदस्य लेखकलाई ११ पुसमा बयानमा बोलाउने गरी पत्र पठाएको छ।
लेखकका अनुसार उनले पत्र प्राप्त गरिसकेका छैनन् । ‘जाँचबुझ आयोगले बयानका लागि बोलाउने भनेर पत्र पठाएको छ भन्ने कुरा सञ्चार माध्यमहरूमा खबर देखेँ । मलाई अहिलेसम्म पत्र प्राप्त भइसकेको छैन,’ मंगलबार अपराह्न सञ्चारकर्मीहरुलाई लेखकले भनेका छन्, ‘पत्र प्राप्त भएपछि यसबारे निर्णय लिन्छु।’