नेपाली सेनाले सिन्धुली र रामेछाप जोड्ने वी.पी. राजमार्ग र पुष्पलाल राजमार्गको सुनकोशी नदीमाथि बेलिब्रिज जडान कार्य सुरु गरेको छ । यहि असोज १० र ११ गतेको अविरल बर्षापछि सुनकोशीमा आएको बाढीले खुर्कोट-रामेछाप जोड्ने पुल बगाएको थियो ।
यो पुल बगाएपछि सिन्धुली र रामेछापको सडक सम्बन्ध टुटेको थियो । अस्थायी रुपमा वैकल्पिक मार्गबाट अहिले सडक संचालन भएको भएपनि नेपाली सेनाले बेलिब्रिज जडान कार्य शुरु गरेकाले सिन्धुली र रामेछापको सडक सम्बन्ध पुर्ववतरुपमा छिट्टै फर्किने भएको छ ।
