Connect with us

समसामयिक

विद्यार्थीमाझ किड्स जोनले स्मरण गर्‍यो सहिदको योगदान, सिर्जनात्मक कार्यक्रम सम्पन्न

Published

on

कैलालीको गोदावरी नगरपालिका-१ अत्तरियास्थित किड्स जोनले विद्यार्थीमाझ विशेष कार्यक्रमका साथ शहिद दिवस मनाएको छ। विद्यालयले सहिदहरूको सम्झनामा विभिन्न सांस्कृतिक तथा सिर्जनात्मक कार्यक्रम गरेको हो।

गोदावरी नगरपालिका-१ का अध्यक्ष गोपालदत्त भट्टको प्रमुख आतिथ्यतामा सम्पन्न कार्यक्रममा स्थानीय जनप्रतिनिधि, विद्यालयका शिक्षक-विद्यार्थी, अभिभावक तथा स्थानीय सहभागी थिए। कार्यक्रममा सहिदहरूको तस्बिरमा माल्यार्पण गरिएको थियो।

सहिदहरूको योगदानलाई स्मरण गर्दै प्रमुख अतिथि भट्टले सहिदहरूले देखाएको मार्गमा हिँड्दै देश र समाजको समृद्धिका लागि सबैले योगदान दिनुपर्ने कुरा बताए। उनले सहिद दिवसलाई केवल सम्झना दिवस मात्रै नभई राष्ट्र निर्माणको प्रेरणादायी दिनका रूपमा लिनुपर्ने विचार व्यक्त गरे।

सहिद दिवसको अवसरमा अन्तर विद्यालय ‘म्युजिकल ड्रिल’ प्रतियोगिताको आयोजना गरिएको थियो। उक्त प्रतियोगितामा १० वटा विद्यालयका विद्यार्थीहरूले भाग लिएका थिए। 

विद्यार्थीहरूले देशभक्तिपूर्ण गीत, नृत्य तथा गायन प्रस्तुत गर्दै सहिदको सम्मानमा सांस्कृतिक कार्यक्रम प्रस्तुत गरेका थिए। प्रतिस्पर्धामा उत्कृष्ट प्रस्तुति दिने विद्यार्थीलाई पुरस्कार तथा प्रमाणपत्र प्रदान गरिएको थियो।

कार्यक्रमका सहभागीहरूले सहिदको बलिदानलाई सम्झन यस्ता कार्यक्रम आवश्यक रहेको बताउँदै भविष्यमा अझ व्यापक रूपमा सहिद दिवस मनाइनुपर्ने धारणा व्यक्त गरे। सहिद परिवारहरूप्रति सम्मान प्रकट गर्दै उनीहरूको योगदानलाई नयाँ पुस्तासम्म पुर्‍याउन यस्ता गतिविधिहरूले महत्वपूर्ण भूमिका खेल्ने सहभागीले बताएका छन्।

विद्यालयका प्रिन्सिपल मदन जोशीले यस्ता खाले कार्यक्रमले विद्यार्थीमा पूर्खाले राष्ट्रका लागि पुर्‍याएको योगदानबारे जानकारी प्रदान गर्न सहज हुने बताए। किताबी ज्ञानका साथै व्यवहारिक रुपमै यस्ता कार्यक्रम गर्दा विद्यार्थीको सिकाइ थप प्रभावकारी हुने उनको भनाइ छ।


Continue Reading
Click to comment

Leave a Reply

Your email address will not be published. Required fields are marked *

Tathya Sanchar Pvt. Ltd.
सूचना तथा प्रसारण विभाग दर्ता नं. ३०८९-२०७८/७९
प्रेस काउन्सिल नेपाल दर्ता नं. ३०८५-२०७८/७९

मध्यपुर थिमी–३, गठ्ठाघर, भक्तपुर
Nepalmuhar@gmail.com
01-5911045

सम्पादक
माधव बस्नेत

Terms & Conditions | Privacy Policy | Disclaimer

Copyright © 2024 Nepal Muhar. Powered by Nepal Muhar.