मोहन वैद्य उर्फ कमरेड किरण पुनः क्रान्तिकारी कम्युनिस्ट पार्टीको महासचिवमा निर्वाचित भएका छन् । क्रान्तिकारी कम्युनिस्ट पार्टीको आज साँझ सम्पन्न एकता महाधिवेशनले वैद्यलाई पाँच वर्षका लागि पुनः सर्वसम्मत महासचिव निर्वाचित गरेको हो ।
काठमाडौंको कीर्तिपुरमा सम्पन्न महाधिवेशनले पार्टीभित्र बहुपदिय व्यवस्था खारेज गरेको थियो । महाधिवेशनको बन्द सत्रमा वैद्यलाई अर्का नेता सन्तबहादुर नेपालीले महासचिवमा प्रस्ताव गरेका थिए भने हेमन्तप्रकाश ओलीले समर्थन गरेका थिए । लगत्तै हलमा प्रस्ताव गरे पछि उनी सर्वसम्मत रूपमा निर्वाचित भएका हुन ।
महासचिव वैद्य अब कम्तिमा पाँच वर्ष सो पार्टीको नेतृत्वमा रहनेछन् । महाधिवेशनले ११७ सदस्यीय केन्द्रीय समिति रहने साङ्गठनिक प्रतिवेदन पारित गरेको छ ।
