आईसीसी यू-१९ महिला टी-२० विश्वकप एसिया छनोट अन्तर्गत नेपालले आज अन्तिम खेल घरेलु टीम युएईविरुद्ध खेल्दै छ। दुबईस्थित द सेभेन स्टेडियममा हुने यो खेल दिउँसो ३स् १५ बजेदेखि सुरु हुने छ।
प्रतियोगितामा युएई ५ खेलमा सबै जितेर १० अङ्कसहित शीर्ष स्थानमा छ भने नेपाल ५ खेलमा ४ जित र एक हार बेहोर्दै ८ अङ्कसहित दोस्रो स्थानमा छ। आज हुने प्रतिस्पर्धाबाट विश्वकपमा छनौट हुने टिमको टुङ्गो लाग्ने छ। विश्वकपमा छनोट हुने हो भने नेपाल यो प्रतिस्पर्धा जित्नै पर्ने बाध्यतामा छ । युएईभन्दा २ अङ्कले पछि रहेको नेपालले राम्रो रन रेट गरेमा शीर्ष स्थानमा उक्लिने अवसर छ।
छनोट प्रतियोगिता नेपाल र कुवेतसँगै आयोजक युएई र थाइल्याण्ड सहभागी छन् । डबल राउन्ड रोविनका आधारमा खेलाइएको यस प्रतियोगितामा शीर्ष स्थानमा रहने टोली अर्को वर्ष मलेसियामा हुने यू(१९ महिला टी(२० विश्वकपमा छनोट हुने छ।
