निर्वाचन आयोगले माघ ११ गते हुने राष्ट्रियसभा निर्वाचनका लागि उमेदवारको खर्च निर्धारण गरेको छ । राष्ट्रियसभा निर्वाचन नियमावली, ०७३ अनुसार खर्च निर्धारण गरिएको आयोगका प्रवक्ता नारायणप्रसाद भट्टराईले जानकारी दिएका छन् ।
उनका अनुसार, एक उमेदवारले १० शीर्षकमा कुल तीन लाख ५० हजार खर्च गर्न पाउनेछन् । निर्वाचन परिणाम घोषणा भएको ३० दिनभित्र उनीहरुले खर्च विवरण आयोगमा बुझाउनुपर्नेछ ।
