नवनिर्वाचित अमेरिकी राष्ट्रपति डोनाल्ड ट्रम्पको सरकारमा रक्षा सचिव पदका लागि छानिएका पिट हेगसेथमाथि यौन शोषणको आरोप लागेको छ ।
अमेरिकी मिडिया हाउस न्यूयोर्क टाइम्सले पीट हेगसेथकी आमाको ६ वर्ष पुरानो इमेललाई उद्धृत गर्दै यो जानकारी दिएको हो ।
सन २०१८ मा लेखिएको मेलमा उनकी आमा पेनेलोपले हेगसेथले धेरै वर्षदेखि विभिन्न महिलाहरूको शोषण गरेको आरोप लगाएकी थिइन्। यो इमेलमा हेगसेथकी आमाले उनको खराब चरित्रको बारेमा कुरा गरेकी छिन्।
यो इमेल पिट हेगसेथले आफ्नी दोस्रो श्रीमती सामन्थासँग सम्बन्धविच्छेदको बाटोमा जाँदै गर्दा लेखिएको थियो। पेनेलोपले इमेलमा लेखेका थिए, ‘मैले हेगसेथको चरित्र र व्यवहारको बारेमा मौन रहन धेरै प्रयास गरें, तर हेग्सेथले सामन्थालाई गलत महसुस गराएको थाहा पाएपछि म चुप लाग्न सकिन।’
तर, न्युयोर्क टाइम्सले यो इमेल जारी गरेपछि पेनेलोपले भने आफ्नो रिसमा यो इमेल लेखेको बताएकी छन् । उनले यस लगत्तै अर्को इमेल पनि पठाएको बताए, जसमा उनले आरोपका लागि छोरासँग माफी मागेका थिए ।
इमेलमा पेनेलोपले हेगसेथले आफ्नो शक्ति र अहंकारका लागि महिलालाई प्रयोग गरेको आरोप लगाएकी छन् । उनले भनिन् कि उनी हेगसेथकी आमा भएको कारण दुखी र लज्जित महसुस गर्छिन् तर यो दुःखद सत्य हो। उनले भनिन, ‘तपाई महिलालाई दुर्व्यवहार गर्नुहुन्छ, यो एक घृणित सत्य हो र म कुनै पनि पुरुषलाई सम्मान गर्दिन, जसले महिलाहरूलाई अपमान गर्छ, झुट बोल्छ, अरूसँग सुत्छ र सबै आफ्नो शक्ति र अहंकारको लागि प्रयोग गर्दछ।’
हेगसेथ र उनकी दोस्रो श्रीमती सामन्थाको नाम पनि इमेलमा उल्लेख गरिएको छ। पेनेलोपले लेखेकी छिन्, ‘सामन्था एक राम्रो महिला र आमा हुन् र हेगसेथलाई पनि यो थाहा छ।’ उनले आफ्नो फाइदाका लागि सामन्थालाई अस्थिर घोषणा गर्नु अपमानजनक भएको लेखेका छन् ।
हेगसेथमाथि यो इमेल आउनु अघि पनि महिलामाथि दुर्व्यवहार गरेको आरोप लागेको थियो। उनको पहिलो पत्नी मेरिडिथ श्वार्ट्ज र त्यसपछि उनकी दोस्रो श्रीमती सामन्थासँग सम्बन्धविच्छेद भएपछि उनको चरित्रको बारेमा प्रश्नहरू उठेका थिए।
उनको सहकर्मी जेनिफर रौचेटसँगको अफेयरको खबर बाहिर आएपछि सामन्थासँग उनको सम्बन्धविच्छेद भएको थियो। जेनिफर पछि हेगसेथको तेस्रो पत्नी बनेकी थिइन् ।
यसबाहेक, मोन्टेरी, क्यालिफोर्नियामा भएको राजनीतिक सम्मेलनमा भएको घटनापछि २०१७ मा हेगसेथविरुद्ध बलात्कारको उजुरी पनि दायर गरिएको थियो। हेगसेथले यी आरोप अस्वीकार गरेका छन्। उनले आपसी सहमतिमा सम्बन्ध बनेको बताउँदै आएका छन् ।
