राष्ट्रिय स्वतन्त्र पार्टी (रास्वपा) ले फागुन २१ गते हुन लागेको प्रतिनिधिसभा निर्वाचनका लागि पार्टीको आन्तरिक उमेदवार छनोट प्रक्रियामा सहभागी हुन आवेदन खुला गरेको छ ।
उमेदवार छनोट समितिका संयोजक विपिनकुमार आचार्यका अनुसार आजदेखि उमेदवारी आवेदन खुला गरिएको छ । आवेदन रास्वपाको आधिकारिक मोबाइल एपमार्फत् दिन सकिने व्यवस्था गरिएको छ ।
आवेदन दिन चाहनेले २५ हजार रुपैयाँ बुझाउनुपर्नेछ । विपन्नहरुले पनि आवेदन दिन सक्नेछन्। तर विपन्नता पुष्टि हुने कागजात पेस गर्नुपर्नेछ । आवेदकहरुमध्येबाट उमेदवार छनोट गरिने रास्वपाले जनाएको छ ।
✏️ टिप्पणी लेख्नुहोस्