नेपाल एसियन गेम्स छनोटको सेमिफाइनलमा पुगेको छ। आज बिहीबार इन्डोनेसियामाथि ४ विकेटको जित निकाल्दै नेपाल सेमिफानलमा पुगेको हो। अब नेपालले अन्तिम चारमा आयोजक टोली मलेसियासँग खेल्नेछ। मलेसियालाई हराएमा नेपाल एसियन गेम्समा छनोट हुनेछ। 

आज बिहीबार इन्डोनेसियाले दिएको ११४ रनको लक्ष्य ६ विकेटको क्षतिमा ३ बल खेल्न बाँकी छदा पूरा गर्‍यो। नेपालको जितमा कप्तान इन्दू बर्माले नटआउट ४२ रन बनाइन्। उनले ४३ बलमा ५ चौका प्रहार गरिन्। 

अन्त्यमा लगातार विकेट गुमेपछि दबाबमा रहेको बेलमा सीता रानामगरले ६ बलमा ३ चौकाको मद्दतमा नटआउट १३ बनाएपछि नेपालको जित सम्भव भयो। बलिङमा इन्डोनेसियाकी ने मेड र एसिआनीले २(२ विकेट लिए। 

त्यसअघि पहिले ब्याटिङ गरेको इन्डोनेसियाले ४ विकेटको क्षतिमा ११३ रन बनाए। उसका लागि कप्तान सकारिनीले नटआउट ५६ रन बनाएकी थिइन्। 

बलिङमा नेपालकी मनिषा उपाध्यायले २ विकेट लिइन्।  अब नेपालले मलेसियासँग पर्सी शनिबार (१६ जेठ मा) प्रतिस्पर्धा गर्नेछ।