एप्पलले आईफोन प्रयोगकर्तालाई भन्यो, ‘तपाइको मोबाइलको जासुसी भइरहेको छ’

एप्पलले आफना आईफोन मोबाइलमा जासुसी भइरहेको जनाएको छ ।  कथित पेगासस जस्तो स्पाइवेयरले एप्पलको आईफोन माथी जासुसी गरेको भन्दै 'अलर्ट' को चेतावनी दिएको हो । 

विश्वका ९१ देशका प्रयोगकर्ताहरूलाई फेरि एकपटक चेतावनी दिदैँ आईफोनले पेगासस आक्रमण जारी रहेको जनाएको हो । एप्पले मेसेज पठाए लगत्तै हंगामा मच्चिएपछि कम्पनीले यसलाई कुनै राज्यले प्रायोजित गरेको भन्दै अस्वीकार गरेको थियो ।

घटना गत बुधबार रातीको भएपनि प्रयोगकर्ताहरूले कुनै सन्देश प्राप्त नगरेको जनाएका छन् । तर, उनीहरूको दर्ता गरिएको इमेलमा कथित जासुसी सफ्टवेयरको बारेमा जानकारी गराइएको छ।