रास्वपा सभापति रवि लामिछाने र काठमाडौं महानगरपालिका मेयर बालेन्द्र साहबीच सात बुँदे समझदारीपत्रमा हस्ताक्षर भएर बृहत एकता हुँदा कुलमान घिसिङ छुटाइएका छन् । हिजैदेखि रविले बालेनलाई कुलमानलाई पछि समेटौला भनेका समाचारहरु बाहिरिएका थिए ।
उज्यालो पार्टीको हिजै अपरान्हको बैठकमा कुलमान स्वयम्ले अस्तित्व नै नामेट गरेर एकता प्रकृयामा सहभागी हुन नसक्ने बताएका थिए । यद्यपि हिजो साँझ बालेन र कुलमानबीच फेरि वार्ता सुरू भएको थियो ।
त्यो वार्तामा पछि रवि समेत मिसिएका थिए । तर सम्झौता रवि र बालेनबीच मात्रै भयो । कुलमानको उज्यालो नेपाल पार्टीले एकताका नाममा आत्मसमर्पण नगर्ने अडान लिएको एक नेताले बिहानै बताएका छन् ।
