काठमाडौँ महानगरपालिका–१२, टेकु दोभान स्थित वंशिघाट बाग्मती नदीमा पौडी खेल्ने क्रममा डुबेर बेपत्ता भएका बालकको खोजीकार्यको लागि सशस्त्र प्रहरी परिचालन भएको छ । टेकु दोभानमै बस्ने ८ वर्षीय सुदीप गौतम पौडी खेल्ने क्रममा आज अपरान्ह नदीमा डुबेर बेपत्ता भएको जानकारी दिइएको छ ।
सशस्त्र प्रहरी बल नेपाल नं. १८ निलवाराही गण काठमाडौँबाट सशस्त्र प्रहरी निरीक्षक प्रकाश थापाको कमाण्डमा विपत् व्यवस्थापन तालिम प्राप्त सुरक्षा फौज बालकको खोजीकार्यमा परिचालित भएको सशस्त्र प्रहरीका सह प्रवक्ता डिएसपी शैलेन्द्र थापाले जानकारी दिएका छन् ।
