बर्षासँगै आएको बाढीले पूर्व-पश्चिम राजमार्ग अन्तर्गत बर्दिबास भन्दा करीब २ किलोमीटर पश्चिमस्थित बेलगाछी पुल क्षति ग्रस्त हुँदा यातायात प्रभावित भएको छ ।
पूर्व-पश्चिम महेन्द्र राजमार्ग अन्तरगत टूटेश्वर महादेव जाने बाटो छेउ बेलगाछी पुल आज बिहान बाढीबाट पूर्णरूपले क्षति भएपछि आवागमन प्रभावित भएको हो । पुल क्षतिग्रस्त हुँदा पूर्व पश्चिम जाने दर्जनौं मालबाहक तथा यात्रु वाहक गाड़ीहरु बिहानै देखि जाममा परेका थिए।
प्रहरीले वैकल्पिक बाटो प्रयोग गरेर रोकिएको गाडिहरु पास गराएको छ। सशस्त्र प्रहरी मधेश प्रदेश कार्यालय बर्दिबासका प्रवक्ता एसएसपी सुरज सेन ओलीले पुल बिहान भेलले क्षतिग्रस्त हुँदा केही घन्टा यातायातमा कठिनाई भएको बताएका छन् ।
अहिले प्रहरीले पूर्व-पश्चिम बाट आउने गाडीहरुलाई लालबन्दीबाट रूट बदलेर हुलाकी राजमार्ग ,रेलगार्ग हुदै पठाएको एसएसपी ओलीले बताएका छन। क्षतिग्रस्त पुल मर्मतको काम द्रुतगतिमा चलिरहेकाले केही समय पछि सञ्चालन हुने उनले जानकारी दिएका छन् ।
