१७ पटकसम्म स्थगित भएको प्रतिनिधिसभाको बैठक १८ औं पटक सुरू भए लगत्तै अन्त्य भएको छ । भर्खरै सुरु भएको प्रतिनिधिसभाको बैठक पाँच मिनेट पनिm चल्न नसकी अन्त्य भएको हो ।
राष्ट्रगान बजाएर बैठक सरु भए लगत्तै विपक्षीहरुले अवरोध गरेका थिए । यसपछि सभामुखले भोलि २ बजेसम्मका लागि बैठक स्थगित भएको सूचना जारी गरेर आजको बैठक अन्त्य गरेका हुन् ।भिजिट भिसा प्रकरणमा विपक्षी दलले माग्दै आएका गृहमन्त्री रमेश लेखकको राजीनाबाट पछि हटेपनि छानबिन समितिमा अडान राखिरहेका छन् ।
तर, सत्ता पक्ष त्यसमा पनि सहमत नभएपछि उनीहरुले बैठक अवरुद्ध गरेका थिए । बैठक अघि सत्तापक्ष र प्रतिपक्षबीच सहमति जुटाउने प्रयास भएको थियो। भलै, सहमति जुटेन ।
