राष्ट्रपति रामचन्द्र पौडेलले आज शुक्रबार दिउँसो चार बजे प्रधानमन्त्री सुशीला कार्कीसहित राजनीतिक दलहरूको सर्वदलीय बैठक बोलाएका छन्। राष्ट्रपति पौडेलले सर्वदलीय बैठक बोलाएका छन् ।
चुनावको कार्यतालिका समेत आइसकेको अवस्थामा राजनीतिक दलहरूसँग सरकारको संवाद नभइरहेको अवस्थामा राष्ट्रपतिले प्रधानमन्त्री सुशीला कार्कीसहितका राजनीतिक दलहरूलाई आह्वान गर्दै सार्वदलीय बैठक बोलाएका हुन् ।
हिजो अपरान्ह मात्र राष्ट्रपति पौडैल र प्रधानमन्त्री कार्कीबीच भेटवार्ता भएको थियो । भेटमा राष्ट्रपति रामचन्द्र पौडेलले चुनावका लाग राजनीतिक वातावरण तय गर्न सरकारलाई प्रधानमन्त्रीलाई सुझाव दिएका थिए ।
प्रधानमन्त्री कार्कीले निर्वाचन आयोगले चुनावको तयारी गरिरहेको र त्यसअनुसार सरकारले चुनावका लागि आवश्यक तयारी गरिरहेकोबारे राष्ट्रपतिलाई जानकारी गराएकी थिइन् । उनीहरुबीच सर्वदलीय बैठक बोलाउने सल्लाह भएको थियो ।
