अवतरणका क्रममा बुद्ध एयरको एउटा विमान शनिबार (मंसिर १३) चरासँग ठोक्किएको छ । काठमाडौंबाट पोखरा उडान भरेको बुद्धको विमान त्यहाँको अन्तर्राष्ट्रिय विमानस्थलमा अवतरण गर्ने क्रममा चरा ठोक्किएको हो।
चरा ठोक्किए पनि यात्रु र चालक दल सुरक्षित रूपमा अवतरण भएको बुद्ध एयरका कम्युनिकेसन म्यानेजर दीपेन्द्र कर्णले जानकारी दिए । उनका अनुसार, विमानको प्राविधिक परीक्षण जारी छ । दुई हप्ताअगाडि पनि पोखरामा बुद्धकै विमानमा चरा ठोक्किएको थियो ।
