बलिउड अभिनेता सैफ अली खानलाई छुरा प्रहार गर्ने व्यक्ति बंगलादेशी नागरिक हुनसक्ने मुम्बई प्रहरीले जनाएको छ । सैफमाथि भएको आक्रमणबारे मुम्बई पुलिसले आज बिहान पत्रकार सम्मेलन गर्दै आरोपीबारे जानकारी दिएको हो ।
पत्रकार सम्मेलनमा जोन–९ का डीसीपी गेदाम दीक्षितले भने, “अभियुक्त बंगलादेशी भएको आशंका गरिएको छ । उनीसँग भारतीय कागजात छैन ।” बलिउड अभिनेता सैफ अली खानको बान्द्रास्थित आफ्नै घरमा बिहीबार बिहान छुरा उनीमाथि प्रहार भएको थियो । त्यसपछि उनलाई लीलावती अस्पतालमा भर्ना गरिएको छ ।
प्रहरीका अनुसार आरोपीहरूले सैफ अली खानको घरमा प्रवेश गर्न भवनको सिँढी प्रयोग गरेका थिए, जुन आगोको घटनाबाट बच्न प्रयोग गरिन्छ । बीबीसी
