चैत १५ गते उपद्रव मच्चाएर भागेपछि हिजो भारतको आसामबाट समातिएका दुर्गा प्रसाईंलाई आज १२ः१० बजे बुद्ध एअरको उडानबाट काठमाडौं ल्याइँदै । प्रसाई यसबेला जिल्ला प्रहरी कार्यालय भद्रपुरको हिरासतमा छन्।
काठमाडौं विमानस्थलबाट प्रहरी परिसर काठमाडौंले जिम्मा लिएपछि राज्यविरुध्दको अपराधअन्तर्गत जिल्ला अदालतबाट म्याद थपेर उनीमाथि थप अनुसन्धान अघि बढाइनेछ । १५ गते उनैको नेतृत्वमा भएको राजावादी प्रदर्शनमा भएको ४६ करोडको क्षति र दुई जनाको ज्यान जाने घटनाको निम्ति उनलाई जिम्मेवार ठहर्याई सोहीबमोजिम सजायको मागदावी गरिने बुझिएको छ ।
दुई देशवीच पशुचोरी र ओसारपसार नियन्त्रण गर्ने सम्झौता छ । तर मानव अपराधी एकार्काको देशमा गई लुकिछिपी बसेमा समातेर औपचारिक रुपमा सुपुर्दगी गर्ने सन्धि नहुँदा गुपचुप लिने/दिने कारोवार गर्नु पर्ने बाध्यता छ ।
प्रहरी प्रधान कार्यालयअन्तर्गत बिशेष ब्युरोबाट खटिएको टोलीले उनलाई मेची सिमानामा आजै औपचारिक रुपमा भारतीय प्रहरीबाट बुझी लिएको हो ।
प्रसाईले हिजै साँझपख आसाम प्ररी समक्ष आत्मसर्मपण गरेका भए पनि नेपाल प्रहरीले प्रेस नोट जारी गरेर पक्राउ नपरेको जनाएको थियो ।
