पाँचथरको कुम्मायक कार्तिकेस्थित तमोर नदी करिडोरमा बोलेरो दुर्घटना हुँदा ५ जनाको मृत्यु भएको छ । पाँचथरबाट धरान आउँदै गरेको बोलेरो भिरबाट तमोर नदीमा खस्दा ५ जनाको मृत्यु भएको हो ।
कोशी प्रदेश प्रहरी ईश्वर कार्कीले दुर्घटनामा ५ जनाको मृत्यु भएको बताए । उनका अनुसार पाँचथरबाट धरानतर्फ यात्रु बोकेर गइरहेको मे १ ज ३०५५ नम्बरको बोलेरो गाडी शनिवार दिउँसो सडक छेउबाट ५ सय मिटर तल तमोर नदी किनारमा खस्दा थप ६जना घाइते भएका छन् ।
घाइते मध्य ५ जनालाई उपचारका लागि धरान झारिँदै छ । एक जनालाई फिदिम अस्पताल लगिएको डीआईजी कार्कीले बताए । मृतकहरूको पहिचान खुलेको छैन।
दुर्घटनाको कारण खुल्न बाँकी भए पनि प्रारम्भिक अनुसन्धानअनुसार साँघुरो सडक ओरालो भएकाले नियन्त्रण गुम्दा बोलेरो खसेको अनुमान गरिएको छ।
