त्रिवि अन्तर्राष्ट्रिय क्रिकेट रङ्गशाला कीर्तिपुरमा जारी दोस्रो संस्करणको नेपाल प्रिमियर लिग (एनपिएल) को पहिलो क्वालिफायर खेल आज हुँदैछ । आज अपराह्न ४ बजे हुने उक्त खेलमा सुदूरपश्चिम रोयल्स र विराटनगर किङस प्रतिस्पर्धा गर्नेछन् । सुदूरपश्चिम अङ्क तालिकाको शीर्ष र विराटनगर दोस्रो स्थानमा पुगेर पहिलो क्वालिफायर खेल्ने पक्का गरेका हुन् ।
सुदूरपश्चिमले लिग चरणका सात खेलमध्ये छ र विराटनगरले सातमध्ये पाँच खेल जितेको छ । सुदूरपश्चिमले लिग चरणमा विराटनगरसँग मात्रै पराजय भोग्नुपरेको थियो । यता विराटनगर चितवन र लुम्बिनीसँग पराजित भएको हो । आज अपराजित हुने् टोली सिधैँ फाइनल पुग्नेछ । पराजित टोलीले इलिमिनेटर खेल्ने मौका पाउनेछ ।
