Connect with us

अन्तर्राष्ट्रिय

जासुसीको आरोपमा चीनले पत्रकारलाई तोक्यो ७ बर्षको जेल सजाय

Published

on

चीनको एक अदालतले बरिष्ठ पत्रकार डोङ युयुलाई जासुसीको आरोपमा सात वर्षको जेल सजाय सुनाएको छ ।उनको परिवारले यसबारे जानकारी दिदैँ जारी गरेको एक विज्ञप्तिमा भनिएको छ, ‘यो गम्भिर अन्याय हो ।’

शुक्रबारको आफ्नो फैसलामा कम्युनिष्ट पार्टीको बेइजिङ नम्बर २ मध्यवर्ती जन अदालतले गुआङ्मिङ डेलीका ६२ वर्षीय पूर्व सम्पादकलाई वरिष्ठ जापानी कूटनीतिज्ञहरूसँगको भेटेकै आधारमा दोषी ठहर गरेको उनको परिवारले जनाएको छ।

फैसला अनुसार तत्कालीन राजदूत हिदेओ तारुमी र वर्तमान सांघाईमा रहेका मुख्य कूटनीतिज्ञ मासारु ओकाडा लगायत जापानी कूटनीतिज्ञ डोङले भेटेका थिए, जसलाई ‘जासुसी संगठन’को एजेन्टको नाम दिइएको थियो।

प्रहरीले शुक्रबार अदालतको सुरक्षामा ७ प्रहरी कारहरू नजिकै पार्क गरेर बसेका पत्रकारहरूलाई क्षेत्र छाड्न आग्रह गरेको थियो।

‘कुनै प्रमाणले विश्वलाई चीनको न्याय प्रणालीको दिवालियापन घोषणा गर्दैन् भन्ने आधारमा सजाय सुनाइएको छ,’ परिवारको विज्ञप्तिमा भनिएको छ।

पेकिङ युनिभर्सिटी ल स्कूलबाट स्नातक गरेपछि डोङ सन् १९८७ मा गुआङ्मिङ डेलीमा सामेल भएका थिए र त्यसको कमेन्टरी खण्डको उपसम्पादकको जिम्मेवारीमा थिए।

उनका लेखहरूले राष्ट्रपति सी जिनपिङको प्रत्यक्ष आलोचना नगरे पनि मध्यम सुधारको वकालत गर्दै आएका थिए ।
 

Tathya Sanchar Pvt. Ltd.
सूचना तथा प्रसारण विभाग दर्ता नं. ३०८९-२०७८/७९
प्रेस काउन्सिल नेपाल दर्ता नं. ३०८५-२०७८/७९

मध्यपुर थिमी–३, गठ्ठाघर, भक्तपुर
Nepalmuhar@gmail.com
01-5911045

सम्पादक
माधव बस्नेत

Terms & Conditions | Privacy Policy | Disclaimer

Copyright © 2024 Nepal Muhar. Powered by Nepal Muhar.