गएरातिदेखि परेको अविरल वर्षाका कारण त्रिभुवन अन्तर्राष्ट्रिय विमानस्थलबाट हुने उडान प्रभावित भएका छन् । रातिदेखि काठमाडौं उपत्यकासहित देशका धेरै ठाउँमा पानी परेकाले उडानहरू प्रभावित भएका हुन् ।
अविरल वर्षाले आज शनिबार बिहानका लागि तय भएका लुक्लाका सातवटा उडान डिले (ढिलाइ) भएको विमानस्थल कार्यालयले जनाएको छ । कार्यालयका अनुसार थामखर्कको एउटा उडान रद्द भएको छ ।
अरू उडान र अवतरण भने नियमित रहेको कार्यालयले जनाएको छ । कार्यालयका अनुसार अन्तर्राष्ट्रिय उडान र अवतरण भने नियमित छ ।
