उपेन्द्र यादव नेतृत्वको जसपा नेपाल (जनता समाजवादी पार्टी) ले लुम्बिनी प्रदेश सरकारलाई दिएको समर्थन फिर्ता लिएको छ। लुम्बिनीमा जसपाकी एक मात्र सांसद अम्बिका काफ्लेले समर्थन फिर्ता लिएको जानकारी दिएकी छन् ।
प्रदेश सरकारले सक्षमतापूर्वक काम गर्न नसकेको, बजेट पूर्वाग्रही एवम् सुशासन, समावेसिताविहीन भएकोले समर्थन समर्थन फिर्ता लिएको काफ्लेले बताएकी छन् ।
संविधानको धारा १८८ को उपधारा २ अनुसार प्रदेश सरकारलाई दिएको समर्थन फिर्ता लिन सक्ने व्यवस्था बमोजिम मुख्यमन्त्री चेतनारायण आचार्य नेतृत्वको सरकारलाई दिएको समर्थन फिर्ता लिएको जानकारी काफ्लेले सभामुखलाई गराएकी छन्।
लुम्बिनी प्रदेशसभा ८७ सदस्यीय छ । जसमा जसपा नेपालबाट काफ्ले एक्लो सांसद हुन् । जसपा विभाजनपछि अरू सांसद अशोक राई नेतृत्वको पार्टीमा आवद्ध भएका छन् ।
