नेपाल प्रिमियर लिग (एनपीएल) दोस्रो संस्करणको विजेता लुम्बिनी लायन्सले ट्रफी उत्सव यात्रा सुरु गरेको छ । आज शनिबार (पुस ५) टिम लुम्बिनीले बाँकेको नेपालगन्जस्थित वागेश्वरी मन्दिरमा पूजाअर्चना गरेर विजेता ट्रफी उत्सव यात्रा थालेको हो ।
त्यसक्रममा ट्रफीसहित मन्दिर परिक्रमा गरिएको थियो । नगर परिक्रमापछि ट्रफी बर्दियातर्फ लगिएको छ । बर्दियाबाट दाङ, रुकुम, रोल्पा, प्युठान, कपिलवस्तु, अर्घाखाँची, गुल्मी, पाल्पा, नवलपरासी हुँदै यही पुस १६ गते रुपन्देहीको भैरहवास्थित मायादेवी मन्दिरमा पुगेर विजेता ट्रफी उत्सव यात्रा समापन हुने जनाइएको छ ।
