नारायणगढ–मुग्लिन सडकको तुईन खोलामा आएको पहिरोले सडक बन्द भएको छ । आज आइतबार बिहान करिब ४ः२० बजे इच्छाकामना गाउँपालिका–५ तुइनखोलास्थित मुग्लिङ नारायणगढ सडक खण्डमा माथिबाट सुख्खा पहिरो खस्दा दुईतर्फी सडक बन्द भएको हो ।
जिल्ला प्रहरी कार्यलय चितवनका प्रहरी नायब उपरीक्षक रविन्द्र खनालका अनुसार ठुल्ठूला ढुङ्गाहरू खसेर सडक बन्द भएको छ ।
पानी नपरेका कारण डिभिजन सडक कार्यालयसँग पहिरो हटाउने पहल समन्वय भइसकेको उनको भनाइ छ । सडक बन्द भएकाले यातायात आवागमन ठप्प छ ।
