प्रहरीले गोंगबुस्थित विनोदकुमार श्रेष्ठको घरबाट स्रोत नखुलेको ३ करोड ५० लाख रुपैयाँ बरामद गरेको छ । जिल्ला प्रहरी कार्यालय काठमाडौंका प्रवक्ता एसपी अपिलराज बोहोराका अनुसार श्रेष्ठको घरमा ठूलो परिमाणमा स्रोत नखुलेको नगद र गरगहना रहेको सूचनाका आधारमा छापा मारिएको थियो । अहिले थप अनुसन्धान भइरहेको छ ।
बोहोराका भनाइमा उक्त रकम र गरगहनाको भण्डारण भन्सार छलेर ल्याइएका सामग्रीको विक्रीबाट जम्मा भएको रकम हुनसक्ने प्रहरीले अनुमान छ । ती नगद र गरगहना भण्डारण गर्ने व्यक्ति र कारोबारी पहिचान भइनसकेको प्रहरीले जनाएको छ ।
