पूर्व–पश्चिम राजमार्ग अन्तर्गत रौतहटको लमहा जङ्गलमा मध्यराति भएको स्कार्पियो दुर्घटनामा ८ जनाको ज्यान गएको छ। दुर्घटनामा ५ जना गम्भीर घाइते भएका ट्राफिक प्रहरीले बताएको छ ।
बाराको गढिमाइ मेला दर्शन गरेर फर्कदै गरेको बा १६च ३१६२ नम्बरको स्कार्पियो मध्यराति १२.३० बजे सडक किनाराको रुखमा ठोक्किएर दुर्घटना भएको हो। स्कार्पियो तीब्र गतिमा थियो । घटनास्थलमा ८ जनाको मृत्यु भएको छ भने घाइते ५ जनाको वीरगञ्जस्थित बयोधा अस्पतालमा उपचार भइरहेको छ।
मृतकहरू सिरहाको अर्नामा गाउँपालिका ३ की फुलबन्ती देवी चमार, ६२, लरुवदि देवी महरा, ६०, रामकुमारी देवी महरा, ६० महङ्गी देवी महरा, ५५ , रामकुमारी देवी महरा, ५०, उर्मिला देवी महरा, ३० सकुन्तला देवी महरा, ३० र स्कार्पियो चालक शिव कुमार यादव, ४० छन्।
