भोटेकोसी बाढीले क्षति पुर्याउँदा एक सय ११ मेगावाट क्षमताको रसुवागढी जलविद्युत् आयोजनासहित चारवटा विद्युत् आयोजनाको उत्पादन ठप्प हुन पुगेको छ ।
चिलिमे जलविद्युत् आयोजनाका सीईओ इन्जिनियर बाबुराजा महर्जनका भनाइमा आज बिहानै भोटेकोसी नदीमा आएको बाढीले रसुवागढी जलविद्युत् आयोजनामा व्यापक क्षति पुर्याएको छ। त्यहाँबाट उत्पादन हुने १११ मेगावाट जलविद्युत् अहिले पूर्णरुपमा ठप्प रहेको महर्जनले जानकारी दिए।
‘रसुवागढीसँगै ६० मेगावाट क्षमताको त्रिशूली(३ ‘ए’, २१ मेगावाट क्षमताको त्रिशूली र १५ मेगावाट क्षमताको बेनीघाट जलविद्युत् आयोजनामा पनि क्षति पुगेको छ,’ महर्जनले सञ्चारकर्मीहरुसँग भने, ‘बाढीले गरेको क्षतिको कारण आजबाट दुईसय मेगावाट क्षमताको प्रशारण लाइन पूर्णरुपमा अवरुद्ध छ।’
बाडीले नेपाल(चीनबीचको मितेरी पुल बगेको छ भने भन्सार यार्डमा राखिएका गाडीहरू पनि बगेका छन् ।
बाढीबाट १८ जना सम्पर्कविहीन रहेको रसुवाका सहायक प्रमुख जिल्ला अधिकारी द्रुवप्रसाद अधिकारीले जानकारी दिइसकेका छन् । सम्पर्कविहीन हुनेमा ३ प्रहरी, भन्सार यार्डमा कार्यरत ९ जनासहित १२ जना नेपाली र छ जना चिनियाँ नागरिक छन् ।
बाढीले धादिङको बेनीघाटसम्म क्षति पुर्याइसकेको छ ।
