दक्षिण तथा मध्य एसिया मामिला हेर्ने अमेरिकी सहायक विदेशमन्त्री समीर पल कपुर तीनदिने नेपाल भ्रमणका निम्ति पर्सी सोमबार (वैशाख ७) काठमाडौं आउँदै छन् । राष्ट्रिय स्वतन्त्र पार्टी (रास्वपा) को नेतृत्वमा सरकार बनेपछि नेपाल आउन लागेका उनी पहिलो उच्चस्तरीय कूटनीतिज्ञ हुन् । कपुरको यो भ्रमणले भारत र चीनलेभन्दा अमेरिकाले नेपाललाई उच्च प्राथमिकतामा राखेको प्रष्टिन्छ ।
परराष्ट्र मन्त्रालयका अनुसार, नेपाल भ्रमणमा रहँदा अमेरिकी सहायक विदेशमन्त्री कपुरले उच्चस्तरीय भेटवार्ता गर्नेछन् । उनले परराष्ट्रमन्त्री शिशिर खनालसँग भेटवार्ता गर्नेछन् । प्रधानमन्त्री बालेन्द्र शाह (बालेन) सँग भने कुन दिन कति बेला भेट्ने भन्ने टुंगो लागिसकेको छैन । वैशाख ९ गते उनी स्वदेश फर्कने भ्रमणतालिका छ ।
कतिपय विष्लेषकहरुको रास्वपा सरकार नै अमेरिकी गुरुयोजनामा बनेको विष्लेषण गरिरहेका बेला त्यहीँका विदेश सहायक मन्त्रीको पहिलो नेपाल भ्रमणलाई चासोका साथ हेरिएको छ ।
