नेपाली पर्वतारोही लाक्पा शेर्पाले विश्वको सर्वोच्च शिखर सगरमाथाको ११औँ पटक सफल आरोहण गरेर विश्वकिर्तिमान थपेकी छन् । शेर्पाले महिला आरोहीमध्ये सबैभन्दा धेरै ११ पटक सगरमाथा आरोहण गरेर विश्वकीर्तिमान चुमेकी हुन् ।
उनी आज बिहान करिब ९ः३० बजे सगरमाथाको चुचुरोमा पुग्दै थप इतिहास रच्न सफल भएकी हुन् । शेर्पाको यो अद्भुत उपलब्धिबाट उनले आफ्नो साहस, आत्मविश्वास, शक्ति र पर्वतप्रतिको समर्पणमार्फत विश्वभरका पर्वतारोही तथा महिलाहरूलाई निरन्तर प्रेरणा बनेको सेभेन समिट ट्रेकले जनाएको छ ।
