राजनीति
प्रस्तावित प्रधान न्यायाधीश शर्माको संसदीय सुनुवाइ आजबाटै सुरु
प्रधानमन्त्री बालेन्द्र साह अध्यक्षताको संवैधानिक परिषद्ले हिजो साँझ मात्र प्रधान न्यायाधीशका लागि सिफारिस गरिएका मनोज शर्मा (विद्यावारिधि) को संसदीय सुनुवाइ आजैबाट सुरु हुने भएको छ ।
शर्माको संसदीय सुनुवाइका लागि आजै (शुक्रबार) दिउँसो ४ बजेका लागि बैठक आह्वान गरिएको छ ।। जसका लागि सिंहदरबारस्थित राज्य व्यवस्था तथा सुशासन समितिको कार्यकक्षमा बैठक बस्न लागेको छ ।
बैठकमा प्रस्तावित प्रधानन्यायाधीश शर्माको संसदीय सुनुवाइ प्रक्रिया अघि बढाउने कार्यसूची तय भएको हो । न्याय परिषद्ले सिफारिस गरेका ६ जनामध्ये चौथो नम्बरमा रहेका शर्मालाई नियुक्ति सिफारिस गरिएकोप्रति आलोचना भइरहेको छ । सर्वोच्च अदालतमै तीन वटा रिट दायर भएका छन् ।
