प्रधानमन्त्री केपी शर्मा ओलीले सदनमा सम्बोधन गर्न रोष्ट्रममा उक्लिरहदा रास्वपाका सांसदहरू बैठक कक्षबाट बाहिरिएका छन्। भिजिट भिसा प्रकरणमा गृहमन्त्रीको राजीनामा र छानबिन समितिको माग गर्दै वेल घेराउ गरिरहेका रास्वपाका सांसद प्रधानमन्त्री बोल्न थालेपछि बैठक छाडेर हिँडेका हुन्।
रास्वपाले १३ बैशाखदेखि गृहमन्त्रीको राजीनामा र छानबिनको माग गर्दै संसद अवरुद्ध र बिहष्कार गर्दै आइरहेको छ । ंतर सरकार रास्वपाको माग अनुसार छानबिन समिति बनाउन तयार छैन। आजको संसद बैठकलाई रास्वपाभन्दा अघि नै राप्रपा सांसदहरूले बहिष्कार गरेका थिए । प्रधानमन्त्री ओलीले संसदलाई आफ्नो स्पेन भ्रमणबारे जानकारी गराएका छन् ।
