राजनीति
एमालेनिकट कानून व्यवसायीको अध्यक्षमा अमर थापा मारे बाजी, यस्तो छ विजयीहरुको सूची
नेकपा (एमाले) निकट प्रगतिशील तथा पेशागत कानून व्यवसायी संगठन (पिपिएलए) को अध्यक्षमा वरिष्ठ अधिवक्ता अमर थापा निर्वाचित भएका छन् । थापा २५६ मत प्राप्त गरी अध्यक्ष निर्वाचित भएका हुन् । उनका प्रतिद्वन्द्वी ओमप्रसाद थपलियाले २१३ मत प्राप्त गरे । जो संस्थापनका उम्म्ेदवार थिए ।
खुला उपाध्यक्षमा भिमसेन बन्जरा निर्विरोध निर्वाचित भए । महिला उपाध्यक्षमा ३०५ मतसहित यसोदा देवी खरेल विजयी भइन । उनकी प्रतिद्धन्द्धी हिमा देवी बस्नेतले १५२ मत ल्याइन् ।
महासचिवमा भुवन प्रसाद निरौला १६३ मत ल्याएर विजयी भए । चूडामणि पौडेलले ७४ मत ल्याए शिव अर्यालले ११६ देवी प्रसाद भट्टराईले ८३ शान्तिराम खतिवडाले २७ मत ल्याए ।
त्यसैगरी उपमहासचिवमा बाबुराम राई २१७ मतका साथ विजयी हुँदा बालकृष्ण आचार्यले १२१ र सहकुल खत्रीले ११८ मत पाए । सचिवमा युवक कुमार गौतम १३९ र मुकुन्द प्रसाद अधिकारी १३१ मतका साथ विजयी भए । अधिकारी र हरिप्रसाद मैनालीको समान १३१ मत आएको भएपनि गोलाबाट अधिकारी विजयी भएका हुन् ।
सचिवमा अनिता गुरुङ २२७ मतका साथ विजयी हुँदा राधिका खतिवडाले २२२ मत पाइन् ।
हेर्नुहोस् सूची
