कर्णाली याक्सले तेस्रो खेलमा पहिलो जीत हासिल गरेको छ । नेपाल प्रिमियम लिग (एनपीएल) यसअघिका दुई खेलमा पराजित कर्णालीले तेस्रो खेलमा जीत हासिल गरेको हो । आजको पहिलो खेलमा चितवन राइनोजलाई ६ विकेटले पराजित गर्दै उसले पहिलो जीत हासिल गरेको हो ।
त्रिभुवन विश्वविद्यालय, किर्तिपुरस्थित क्रिकेट मैदानमा चितवनले दिएको १३१ रनको लक्ष्य कर्णालीले एक बल बाँकी छँदा ४ विकेट गुमाएर पूरा गर्न सफल भएको थियो ।
कर्णाली याक्सका ओपनर शिखर धवनले सर्वाधिक ४५ रन जोडेका थिए, उनले देव खनालसँग ५३ र चाडविक वाल्टनसँग ५५ रनको साझेदारी गरेका कारण जीत सहज हुन पुगेको हो । यसअघि भारतका चर्चित खेलाडी शिखर धवनले सर्वाधिक ७२ रन जोडे पनि जीत हासिल गर्न सकेका थिएनन् ।
