प्रधानमन्त्री सुशीला कार्की र एमाले अध्यक्ष केपी शर्मा ओलीबीच भेटवार्ता भएको छ । प्रधानमन्त्री कार्कीलाई भेट्न पूर्वप्रधानमन्त्री ओली बालुवाटार पुगेका थिए ।
प्रधानमन्त्री कार्कीको सचिवालयका अनुसार ओली बिहान ११ बजे बालुवाटार पुगेका थिए । निर्वाचनलाई केन्द्र राखेर प्रधानमन्त्री कार्की र ओलीबीच तीन घण्टाभन्दा धेरै छलफल भएको छ । प्रधानमन्त्री र ओलीबीच एक्ला एक्लै कुराकानी भएको हो ।
प्रधानमन्त्री कार्कीले सरकारले तोकिएकै समयमा निर्वाचन गराउने भन्दै सहयोगका लागि आग्रह गरेकी थिइन् । प्रधानमन्त्रीको कुरा सुनेपछि ओलीले एमाले ध्वंश गर्ने पार्टी नभएको भन्दै चुनावमा भाग लिने बताएका थिए ।
ओलीको भनाइ उद्धृत गर्दै कार्कीको सचिवालयका ती सदस्य भन्छन्, ‘एमाले चुनावमा भाग लिन्छ, ध्वंश गर्ने पार्टी होइन । तर सरकारले त्यसको वातावरण बनाउनुपर्छ ।’
