बारा सदरमुकाम कलैया बघवन सडक खण्डमा आज बिहान यात्रुवाहक बस र मोटरसाईकल आमुने सामुने ठोकिँदा मोटरसाईकल चालक रौतहटका एक युवकको मृत्यु भएको छ।
दुर्घटनामा परी मृत्यु हुनेमा रौतहटको फतुवा बिजयपुर नगरपालिका ५ बरगिनिया बस्ने वर्ष ३५को अनिल प्रसाद यादव रहेको जिल्ला प्रहरी कार्यालय बाराका प्रवक्ता डिएसपी विजयराज पण्डितले न्युज कारखाना लाई बताएका छन्।
आज बिहान सवा ३ बजे कलैया बघवन स्थित बरियारपुरबाट कलैया तर्फ जाँदैगरेको ना ६ ख ५०६७ नम्बरको बस र विपरित दिशाबाट जादै गरेको ना ३९ प ७३६७ नम्बरको मोटरसाईकल एकआपसमा ठक्कर खादा मोटरसाईकल चालक यादव गम्भीर घाईते भएका थिए।
उनलाई प्रादेशिक अस्पताल कलैयामा उपचारको लागि लागिएकोमा डाक्टरले चेकजाँच गर्दा मृत्यु भई सकेको घोषणा गरेको थियो ।
मृतकको शव पोष्टमार्टमका लागि सोही अस्पतालको शब गृहमा राखिएको तथा घटनाबारे अनुसन्धान भईरहेको जिल्ला प्रहरी कार्यालय बाराको सूचनामा उल्लेख गरिएको छ
