अफगानिस्तानको राजधानी काबुलमा गृह मन्त्रालयभित्रै आत्मघाती बम बिस्फोट भएको छ । उक्त बिष्फोटामा परी शरणार्थी तथा स्वदेशफिर्ती मामिलासम्बन्धी मन्त्री खलिल हक्कानीको मृत्यु भएको छ भने अन्य छ जना समेत मारिएका छन् ।
खलिल हक्कानी तालिबानभित्रको शक्तिशाली समूह हक्कानी नेटवर्कका शीर्ष नेता थिए । सन् २०११ मा अमेरिकाले उनीबारे सूचना दिनेलाई ५० लाख अमेरिकी डलर पुरस्कारको घोषणा गरेको थियो । चरमपन्थी तालिवानले तीन वर्षअघि त्यहाँको सत्ता कब्जामा लिएपछि मारिनेमा हक्कानी हालसम्मकै शीर्ष नेता हुन् ।
आक्रमणको जिम्मा चरमपन्थी समूह इस्लामिक स्टेट (आईएस) ले लिएको सञ्चा माध्यमहरुले जनाएका छन् । जलालुद्दिन हक्कानीका छोरा तथा खलिल हक्कानीका भतिजा सिराजुद्दिन हक्कानी अफतानिस्तानमा तालिवानी सरकारको गृहमन्त्री छन् ।
