प्रतिनिधि सभा पुनःस्थापनाको लागि पूरक रिट निवेदन लिएर नेपाली कांग्रेसका थप ७० सांसद सर्बोच्च अदालत जाने भएका छन् । नेृकपा एमालेले यसअघि नै संस्थागत निर्णयबाटै ७५ सांसदको हस्ताक्षरसहित सर्वोच्च्मा रिट निवेदन दिइसकेको छ । कांग्रेसका प्रमुख सचेतक श्याम घिमिरेसहित ८ सांसदको रिटमाथि सर्बोच्चले कारण देखाउ आदेश जारी गरिसकेको छ ।
विघटित प्रतिनिधि सभाका एमालेका प्रमुख सचेतक महेश बर्तौलाले संसद पुनस्स्थापनापछि सरकार गठन हुने र आवश्यक कानून तथा संविधान संशोधन गर्ने सामर्थ्य राख्छ भन्ने पुष्टि गर्न १ सय ३८ भन्दा बढी सांसद अदालतमा पूरक निवेदन लिएर जान लागेको बताएका छन् । यसैबीच जनमत पार्टी, लोकतान्त्रिक समाजवादी पार्टी र नागरिक उन्मुक्ति पार्टीका समेत सांसदहरुको हस्ताक्षर जुटाएर पूरक निवेदन दिने तयारी समेत भइरहेको छ ।
केही समय अघि एमाले अध्यक्ष केपी ओली र नेपाली कांग्रेसका सभापति शेरबहादुर देउवाबिच भेटवार्ता भएपछि कांग्रेस संसद पुर्नस्थापनाको रिट लिएर सर्वोच्च गएको थियो ।
