काठमाडौं महानगरपालिकाले मनोहरा किनारको सुकुम्बासी बस्तीमा डोजर चलाएको छ । मनोहरा किनारमा रहेको सुकुम्बासी बस्तीमा बनेको घरमा महानगरले डोजर चलाएपछि स्थानीयले प्रहरीमाथि ढुङ्गामुढा प्रहार गरेका थिए ।
आज शुक्रबार बिहान महानगर नगर प्रहरी र नेपाल प्रहरीको टोलीले बस्तीमा डोजर चलाएपछि सुकुम्बासीहरूले ढुंगामुढा प्रहार गरेका हुन् । उनीहरूले डोजरमा पनि ढुंगामुढा गरेर तोफोड गरेका छन् । महानगर र नेपाल प्रहरी सुकुम्बासी बस्तीमा बनेका नयाँ बनेका घर टहरा हटाउन गएको हो ।
