भारतीय प्रधानमन्त्री नरेन्द्र मोदीको फ्रान्स भ्रमण धेरै अर्थमा विशेष रहने गरेको छ ।
दुई दिने फ्रान्सको भ्रमणमा गएका प्रधानमन्त्री मोदीको युरोपेली देशमा ‘गिफ्ट डिप्लोमेसी’ को बारेमा निकै चर्चापरिचर्चा भएको छ ।
फ्रान्समा उनले प्रथम महिला देखि लिएर अमेरिकाका उपराष्ट्रपति जेडीसम्म सबैलाई आफ्नो उपहारले प्रभावित पारेका छन । भ्यान्सका छोराछोरीहरूको जुन उपहार लगिएको थियो, त्यसले सबैको मन जितेको छ ।
खासमा प्रधानमन्त्री मोदीले अन्य देशका मानिसहरूलाई भारतीय संस्कृति र शिल्पसँग जोड्ने प्रयास गरिरहेका हुन्छन । जसै क्रममा प्रधानमन्त्री मोदीले फ्रान्सका राष्ट्रपति इमानुएल म्याक्रोन र उनकी श्रीमतीलाई विशेष उपहार दिएका छन् ।
प्रधानमन्त्री मोदीले फ्रान्सेली राष्ट्रपति इमानुएल म्याक्रोनलाई ‘डोक्रा कलाकृति’ उपहार दिएका छन्, जसमा संगीत वाद्ययन्त्र बजाउने महिलाको दुईवटा मूर्ति छ। प्रतिष्ठित ‘डोक्रा कला’ छत्तीसगढको एक प्रमुख धातु कास्टिङ परम्परा हो, जुन पुरातन मोम प्रविधि प्रयोग गरेर बनाइएको हुन्छ। यस कलाकृतिले परम्परागत संगीतकारहरूले वाद्ययन्त्र बजाउने चित्रण गर्दछ, जसले संगीतको सांस्कृतिक महत्त्वलाई उजागर गर्दछ।
पीतल र तामाबाट बनेको यस कलाकृतिमा जटिल कालिगढी छ, जसले कालिगढीको गहिरो सीप र समर्पणलाई झल्काउँछ। सजावटको अतिरिक्त यो ‘डोक्रा कलाकृति’ भारतको समृद्ध सांस्कृतिक सम्पदाको प्रतीक हो।
प्रधानमन्त्री मोदीले फ्रान्सकी प्रथम महिलालाई चाँदीको काम भएको सुन्दर टेबल ऐना उपहार दिएका छन् । राजस्थानको यो उत्कृष्ट चाँदीको हातैले तयार पारिएको ‘टेबल मिरर’ ले उत्कृष्ट शिल्प कौशल र सांस्कृतिक सम्पदा प्रदर्शन गरेको छ । यसको चाँदीको फ्रेममा फूल र मयूर चित्रण गरिएको छ, जुन सुन्दर प्रकृतिको प्रतिक हो। चम्किलो चमकमा पालिश गरिएको यो टेबल ऐनाले राजस्थानको धातु कलाको समृद्ध परम्परालाई झल्काउँछ।
उता, प्रधानमन्त्री मोदीले फ्रान्समा अमेरिकी उपराष्ट्रपतिलाई पनि भेटेका थिए, उनले छोरा विवेक भान्सका लागि काठको रेल्वे खेलौना दिएका थिए। यो खेलौना काठबाट बनाइएको हो र पर्यावरण अनुकूल तरकारी रङ रंगिएको छ। उनले उपराष्ट्रपतिका दोस्रो छोरा इभान ब्लेन भान्सलाई भारतीय लोक चित्रमा आधारित ‘जिगस पजल’ उपहार दिएका थिए। यो पज्जलले विभिन्न लोक चित्रकला शैलीहरू देखाउँछ र भारतको समृद्ध कलात्मक विरासत देखाउँछ।
जेडी भ्यान्सकी छोरी मिराबेले रोज भान्सको लागि काठको वर्णमाला सेट दिएका थिए । यो एक टिकाऊ, सुरक्षित र आकर्षक सिक्ने उपकरण हो, जसले मोटर कौशल र संज्ञानात्मक क्षमताहरू बढाउँछ। प्लास्टिकको विकल्पको विपरीत यो हानिकारक रसायनबाट मुक्त छ र वातावरण संरक्षणको सन्देश पनि दिएको भारतीय सञ्चारमाध्यमले जनाएका छन् ।
