नेपाली कांग्रेसले केन्द्रीय कार्यसम्पादन समितिको बैठक बोलाएको छ । पर्सी वैशाख २१ (सोमबार) बस्ने गरी कांग्रेसले कार्यसम्पादन समिति बैठक बोलाएको हो ।
कांग्रेस केन्द्रीय कार्यालयका कार्यवाहक मुख्यसचिव कृष्णप्रसाद दुलालका अनुसार केन्द्रीय कार्यालय सानेपामा, सोमबार दिउँसो १ बजे बस्ने गरी बैठक बोलाइएको छ ।
बैठकमा सहभागी हुन केन्द्रीय कार्यसम्पादन समितिका पदाधिकारी एवं सदस्यहरूलाई आग्रह गरिएको दुलालले बताएका छन्। यद्यपि बैठकका एजेन्डाबारे र्आपचारिक जानकारी गराइएको छैन ।
