अर्थ
अतिक्रमित र मापदण्डविपरीतका संरचना सात दिनभित्र हटाउन निर्देशन
काठमाडौं महानगरपालिका र काठमाडौं उपत्यका विकास प्राधिकरणले सात दिनभित्र अतिक्रमित जग्गा तथा मापदण्डविपरीतका संरचना हटाउन निर्देशन दिएका छन् ।
महानगर र प्राधिकरणले आज एक संयुक्त सार्वजनिक सूचना जारी गर्दै असोज २ गते बसेको काठमाडौं महानगरपालिका र काठमाडौं उपत्यका प्राधिकरणको निर्णयअनुसार सात दिनभित्र अतिक्रमित जग्गा र मापदण्डविपरीतका संरचना खाली गर्न निर्देशन दिइएको हो ।
काठमाडौं महानगरपालिका क्षेत्रभित्र र सिमाना जोडिएका काठमाडौं जिल्लाभित्रका सार्वजनिक स्थानका अतिक्रमित तथा मापदण्डविपरीतका संरचना नहटाए कारबाही गर्ने चेतावनीसमेत दिइएको छ ।
