सरकार र शिक्षक महासंघबीच निर्णायक वार्ता हुँदैछ । सिंहदरबारस्थित शिक्षा मन्त्रालयमा सरकार शिक्षक महासंघका पदाधिकारीहरुबीच वार्ता भइरहेको छ । शिक्षक महासंघको बैठक लम्बिएपछि दिउँसो ३ बजे तय भएको वार्ता साँझ अबेर मात्र अघि बढेको थियो ।
आफ्ना पदाधिकारीहरुको विस्तारित बैठकपछि शिक्षक प्रतिनिधिहरू सिंहदरबारभित्र वार्तामा छिरेका हुन् । महासंघको बैठकले आन्दोलन सँगसँगै सरकारसँग पूर्वसहमति कार्यान्वयनबारे स्पष्ट मार्गचित्रसहित निर्णायक वार्ता गर्ने सर्वसम्मत निर्णय गरेको छ ।
यसअघि हिजो १५ बैशाखमा सरकार र शिक्षकका प्रतिनिधिहरुबीच दुई चरणमा वार्ता भएको थियो। तर, सफल हुन सकेको थिएन ।
