निर्वाचन आयोगले नेपाली कांग्रेसको सभापतिमा गगन थापालाई आधिकारिकता प्रदान गरेको छ । निर्वाचन आयोगको अपरान्ह बसेको बैठकले यस्तो निर्णय गरेको हो ।
निर्वाचन आयोगले थापा समूहलाई आधिकारिकता प्रदान गरेसँगै कांग्रेसको चार तारे झण्डा र रुख चुनाव चिन्ह थापाले पाएका छन् । आयोगका पदाधिकारीको बैठकमा बहुमतले यस्तो निर्णय गरेको हो ।
स्रोतका अनुसार थापा पक्षलाई आधिकारिता दिने विषयमा आयुक्त जानकी तुलाधरले फरक धारणा राखेकी थिइन् भने कार्यवाहक प्रमुख निर्वाचन आयुक्त रामप्रसाद भण्डारी र सगुन जबरा को बहुमतले आधिकारिकता दिने निर्णय गरेको थियो ।
