रुसले अफगानिस्तानमा तालिबान शासनलाई औपचारिक बैधानिकता दिएको छ । रुसले तालिबानलाई हिजो बिहिबिार आफ्नो प्रतिबन्धित संगठनको सूचीबाट हटाउँदै औपचारिक रूपमा बैधानिकता दिने पहिलो देश बनेको अन्तराष्ट्रिय समाचार संस्था एपीले जनाएको छ ।
सन् २०२१ मा अफगानिस्तानमा सत्ताकब्जा गरेपछि तालिबान सरकारले पाएको यो पहिलो अन्तराष्ट्रिय बैधानिकता हो । रुसी विदेश मन्त्रालयले अफगानिस्तानका नवनियुक्त राजदूत गुल हसन हसनबाट ओहोदाको प्रमाणपत्र प्राप्त गरिएको घोषणा गरेको छ । अफगान सरकारको औपचारिक मान्यताले द्विपक्षीय सहयोगलाई प्रोत्साहन गर्ने अफगानिस्तानको विदेश मन्त्रालयको विज्ञप्तिमा उल्लेख छ ।
तालिबानले सन् २०२१ अगस्टमा अफगानिस्तानमा सत्ता कब्जा गरेपछि अमेरिका र नेटोका सेना फिर्ता भएका थिए । यससँगै अफगानिस्तानको सत्ता तालिबानले चलाउन थालेको थियो । त्यसयता तालिबानले इस्लामिक कानुनको कडा व्याख्या लागु गर्दै अन्तर्राष्ट्रिय मान्यता खोजिरहेको छ ।
